Մանրամասները

«Տարբեր իշխանություններ իրենց քաղաքականությամբ, իրենց վաստակով հետադարձ հայացքով ամեն մեկը իր ուժեղ կողմերի մասին է խոսում, բայց յուրաքանչյուր իշխանություն ունեցել է իր սխալները։ Եւ այդ սխալների կուտակումը բերել է այսօրվա վիճակին։ Այդ պատասխանատվությունը նաև մենք պիտի վերցնենք՝ յուրաքանչյուր շրջանի իշխանությունը։ Բայց մի բան, որ կարող ենք ստույգ ասել՝ առանց մտնելու գունավորման, մակերեսային և կեղծ մեթոդաբանության մեջ, այն է, որ որևէ իշխանություն, իրենց սխալներով, ընտրաթողությամբ, մեծ վրիպումներով չի զիջել միջազգային դիվանագիտության սեղանի շուրջ Հայաստանի տեղը՝ որպես վետոյի իրավունքով՝ որպես Լեռնային Ղարաբաղի երաշխավոր և սեփական իշխանության տեղապահ, աթոռակից։ Իսկ դա վերջին մեկ-երկու տարվա մեջ էս մարդկանց էս գործող ղեկավարների միջոցով այդ երեսուն տարվա պայքարը՝ դիվանագիտությունը իր թռիչքներով և վայրէջքներով, ամբողջականության մեջ զիջվեց»,- հարցազրույցում նշել է Րաֆֆի Հովհաննիսյանը։

Մանրամասները

«Ժառանգություն» կուսակցություն

 

Գործող սույն ժամիշխանի ամեն քայլը, յուրաքանչյուր խոսքը՝ մեր երկրի ներսում, թե դեպի արտերկիր, հեգնում է մեր Հայրենիքը, նսեմացնում պետականությունը եւ ուրանում սեփական ազգի հավաքական կենսական շահերն ու քաղաքացիների սահմանադրական ինքնիշխան իրավունքները։

Դատապարտում ենք՝ մեկին եւ բոլորին, նրա հանցավոր երդմնազանցությունից ու հայրենատվությունից մինչեւ զանգվածային զինվորասպանություն եւ սեփական ազգի դեմ բռնության վախածին միջոցների կիրարկում։

Բայց դատապարտելը եւ դատապարտվելը քիչ են։ Ամեն գնով հրամայական է նրա եւ իր մեղսակիցների հաշվետու հեռացումը։

Եվ յուրաքանչյուրիս իրական ինքնամաքրումը, մեր հանրային էության ամբողջական վերափոխումը։

Հայի հրահանգով օրերս թափված հայի արյունը արդ կանչում է Հայաստան, պատասխան ու փրկություն։

 

«Ժառանգություն» կուսակցության խորհուրդ
13 հունիսի 2024
Երեւան

Մանրամասները

Սարդարապատը պատմական է և՝ խիստ իրական. «Ժառանգություն»

Հայաստանի և մեր ժողովրդի ապագան վճռվում է այսօր։ Սարդարապատը պատմական բեկման գոյութենական ուղենիշն է, անտարակույս, բայց նրա դասն ու ոգին խիստ այժմեական են և բախտորոշ։

Կամ այսօրվա խորհրդով միանում ենք ըստ էության և ամբողջանվեր՝ փրկելու հայոց հայրենիքը, քաղաքակրթությունը և պետականությունը, կամ կորցնում ենք համարյա ամեն ինչ՝ ինքնություն, ինքնիշխանություն, մեր վերջին արժանապատվությունն անգամ։

Մանրամասները

«Կիզակետում Արկադի Գրիգորյանի հետ» հաղորդման ժամանակ ՀՀ նախկին արտգործնախարար, «Ժառանգություն» կուսակցության հիմնադիր Րաֆֆի  Հովհաննիսյանն ասել է․

«Ադրբեջանը և Թուրքիան շատ են ուզում, որ մնա այս իշխանությունը, ամեն ինչ կանեն, որ մնա այս իշխանությունը։ Ռուսաստանը և Արևմուտքը, եթե ունեն խոստումներ և պայմանավորվածություններ այս իշխանության հետ, իհարկե պիտի ուզենան, որ Հայաստանն ունենա թույլ, անդեմ, իր իրավունքները չպաշտպանող իշխանություն»։

«Միջազգային հանրության ակտիվ չեզոքությամբ հնարավոր է փոխել իշխանությունը ՀՀ-ում։ Ճիշտ է, բոլոր երկրներն ունեն իրենց շահերը, բայց պետք է հասկանան, որ սա հայաստանակենտրոն, ներհայաստանյան շարժում է, որում տարբեր, նաև հակադիր, հոսանքներ կան»,- նշել է Հովհաննիսյանը։

Մանրամասները

Այս մեթոդաբանությամբ, այս ժառանգությամբ եւ այս իշխանությամբ մենք գնում ենք մարդկային եւ տարաքծքային նոր կորուստների: Այս մասին մայիսի 10-ին Հանրապետության հրապարակում NEWS.am-ի հետ զրույցում նշել է «Ժառանգություն» կուսակցության առաջնորդ, ԱԳ նախկին նախարար Րաֆֆի Հովհաննիսյանը:

«Իրենց շահերի տեսակետից Ադրբեջանը եւ Թուրքիան շատ ավելի արժանավայել պետական քաղաքականություն են վարում, քան Հայաստանի գործող իշխանությունները: Մենք ոչ թե նշաձող ենք իջեցրել, այլ հատակին ենք հասել: Եթե այսպես շարունակենք այս իշխանությամբ, մասնակի սահմանազատմամբ, միակողմանի զիջումներով, առանց ամբողջական խաղաղության պայմանագրի, Արցախի խնդրի վերադարձի վրա հիմնված իրավական լուծման, մենք չենք կարող ունենալ այն համալիր վիճակը, որը բերելու  է իրական խաղաղության: Իրական խաղաղությունն գնում է Հայաստանի եւ հայ ժողովրդի իրավունքների պաշտպանության միջոցով եւ մեր տարածքային ամբողջականության վերականգնման միջոցով, ինչը չկա»,- ասել է նա:

Մանրամասները

«Վտանգի տակ է մեր հայրենիքը, բոլորս գիտենք, և այդ կորստի ահազանգն է, վերածննդի հավատն է, որ միացրել է մեր հայրենակիցներին։ Այդ պայքարի վերջին հանգրվանը հյուսիսային մեր գյուղերն են, Տավուշի մարզն է, և այնտեղ առաջնորդությունը վերցրել է հոգևոր դասը։

Մի բան ակնհայտ է՝ թե՛ իրական Հայաստանը, թե՛ պատմական Հայաստանը, թե՛ Հայաստանի, թե՛ հայ ժողովրդի պատմությունները, թե՛ Արագածը և Մասիսը, թե՛ պետությունը և հայրենիքը՝ բոլորը միասին պահանջում են ամբողջական փոփոխություն»,- նշել է Րաֆֆի Հովհաննիսյանը։