«Ժառանգությունը» մասնակցեց ԵԺԿ քաղաքական վեհաժողովի նիստին
- Մանրամասները
Եվրոպական ժողովրդական կուսակցության քաղաքական վեհաժողով:
Մալթա, 22 նոյեմբերի 2024թ.:
ԱՌ ՈՉԻՆՉ․ Րաֆֆի Հովհաննիսյան
- Մանրամասները
Խոսքախաղով՝ «պրիմիտիվ», արարքով՝ անպատկան և ժառանգությամբ անարժան՝ առ ոչինչ ես։
Ամբողջովին ու անվանական՝ և ուրիշ ոչինչ։
Հայրենիքը, պետությունը, ժողովուրդը և համակ մարդկությունը դարակազմիկ «հայտնությունդ» հետգրությամբ կգրանցեն և կանցնեն առաջ։
Մնաս բարյավ։
Րաֆֆի Կ․ Հովհաննիսյան
20 նոյեմբերի 2024
Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ. Րաֆֆի Հովհաննիսյան
- Մանրամասները
Քո վերահռչակման փաստը՝ 33 տարի առաջ, թող շնորհավորանք լինի այսօր և անգին, սթափեցնող պատվիրան։
Դրսից և, մանավանդ, ներսից Քեզ իրապես կործանողները, պարտության մատնողները, ծնկի բերողները, շահավաճառները նույնիսկ ա՛յս օրը բարբաջում են պետականությունից, ինքնիշխանությունից, դրանց իրականությունից ու կորստյան վտանգից։
Բայց օտարն ու բոլոր իմաստներով օտար դարձածը չէ, որ այլևս պետք է սահմանի Քեզ ու Քո իրավունքը, ամբողջականությունը և դրանց «լեգիտիմությունը»։
Դա միայն մենք ենք՝ հավաքաբար, ովքեր ամենօրյա պայքարով, անմնացորդ ջանադրությամբ, հոգով ու հրապարակով, ինքնապաշտպանությամբ և, վերջապես, քվեախցիկով պիտի նորովի կերտեն Քեզ՝ անանձնական, ամենապատկան Հայաստանի Հանրապետությունը։
Պարույր Սևակի «հինգերորդ եղանակը» նաև ու, առաջին հերթին, Քո՛ մասին է։
Բարո՛վ եկար, ուժո՛վ արի։
Րաֆֆի Կ. Հովհաննիսյան
23 սեպտեմբերի 2024
Երևան
ՀԱՅԱՍՏԱՆԻ ՊԱՏՄՈՒԹՅՈՒՆ. Րաֆֆի Հովհաննիսյան
- Մանրամասները
Երեսուներեք տարվա նվիրյալների ու նահատակների առջեւ խոնարհադեմ եւ ի հեճուկս հայրենամատնիչ որեւէ ոտանավորի, պարզապես հիշենք, արձանագրենք, գործենք։
Հայաստանի ու ողջ հայության պատմությունը՝ պետական եւ ազգային, այսօր ոչ թե կերտվում է նորովի, այլ կորսվում է առհավետ։
«ՀԱՆՈՒՆ ՄԵԶ ԿՐՈՂ ՀՐԱՇՔ ՍԵՐՆԴԻ»․ Րաֆֆի Հովհաննիսյան
- Մանրամասները
Այսօր արտահերթ քննությունն է մեր հավաքական ժառանգության՝ անցյալից ստացված եւ հաջորդ սերունդներին փոխանցվող։
Կենսունա՞կ են արդյոք մեր ինքնությունը, կյանքի իրավունքը, արժանապատվությունը, Հայաստան պետություն-հայրենիք-քաղաքակրթություն Արժեքը պահպանելու եւ հզորացնելու հանձնառությունը։ Սա է մեր դարակազմիկ հիմնահարցը։
Ի՞նչ սկզբունքով էր Րաֆֆի Հովհաննիսյանը ընտրում առաջին դեսպաններին
- Մանրամասները
Հայաստանի Երրորդ Հանրապետության առաջին արտգործնախարար, Ֆրեզնոյում ծնված Րաֆֆի Հովհաննիսյանը 1991 թվականին խնամքով մի կողմ է դնում Ամերիկյան երազանքն ու Հայաստան է գալիս իր հայկական երազանքի հետևից, այն է՝ մեր երկիրն ու ինքնությունը տեղավորել միջազգային դիվանագիտական քարտեզի վրա:
